MISƆ̀ MA KALATI YA WOMBOKO

Misɔ̀ ma kalati ma Womboko mayɔ si  ndo na mata (25), e ma ndiyomi na wambi ma yɔ ndi misɔ̀ ma sali (Consonants), ndenga manɛ lisamba mɔ ndi  misɔ̀ ma membami (Vowels). Ma tilawi o nate ya ene kalati. 

 Aa, Bb, CHch, Dd, Ee, Ɛɛ, Ff, Gg, GBgb, Ii, Jj, Kk, KPkp, Ll, Mm, Nn, Oo, Ɔɔ, Pp, Ss, SHsh, Tt, Uu, Ww, Yy. ndo na mata ma misɔ̀  

Aa, Ee, Ɛɛ, Ii, Oo, Ɔɔ, Uu misɔ̀ ma membami mani (7).

Misɔ̀ ma ekalati ya Womboko, o yɔ misɔ̀ ma  wekɛlɛnɛkɛ ma mijuwawi o wanga wa wijo li langa e kalati ya mokalala. Eke nanga o yɔ mafɛfɛ ma menya ma wekɛlɛnɛkɛ, o mani misɔ̀ menya ma ko kwɛlɛwɛ wayi wayi o na i mijuwe.

 Ekalati ya misɔ̀ ma Womboko e wokawi ndi o ndawo ya ifɔlɔ yasɛ ya ene ekome ya su ya Kamaloni o Yawunde o wunya wa luka, o ngondɛ ya Eshɛlɛ, o momwa mwa

ikoli yɔkɔ, ewokeya luka na mini lisamba na luka (9, march 1979). Longo la mani misɔ̀ mutani na manga ma mokalala, ma mawekɛlɛnɛkɛ o fɔlɔ ya Womboko.